Башкы #Маек Үч өлкөдө билим алган студент: чет жерде окууга үч нерсе жардам берди

Үч өлкөдө билим алган студент: чет жерде окууга үч нерсе жардам берди

53

Американын борбор калаасындагы Bay Atlantic University жогорку окуу жайынын студенти Чыңгыз Оморов ар дайым чет мамлекетте окууну тилек кылганын айтты.

Чет жакта окугум келчү. Мектептен тышкары тил үйрөнүүгө басым жасап, англис, түрк тилдери курстарына барып жүрчүмүн. Ылайыктуу университет издеп окуу жайлар жарманкесине да көп катыштым. Бул тууралуу Чыңгыз Оморов Sputnik Кыргызстан радиосунун “Стимул” программасында маек куруп жатып билдирди.

Анын айтымында, бала кезинен бери эле электроника жана компьютерлерге аябай кызыгып, 2014-жылы Герман Гмайнер окуу-тарбия комплексин аяктагандан кийин Стамбул шаарындагы Бахчешехир университетинин инженерия факультетинин электроника бөлүмүнө кабыл алынган.

“Аталган университетте ийгиликтүү студенттерге эки кесиптин ээси болууга мүмкүнчүлүк бар. Ошондуктан 2-курстан баштап программалоо бөлүмүнө да өтүп, эки тармакта окуумду уланттым. 2016-жылы жайында Американын Вирджиния штатына Work and Travel программасы менен барып келгем.

2017-жылы жазында Гонконгго студенттик алмашуу программасы боюнча Hong Kong Polytechnic University университетинде электроника жана IT-технология бөлүмүндө алты ай билим алып келдим. 2018-2019-жылдары окуумду артыкчылык менен аяктап, эки дипломдун ээси болдум. Андан кийин Стамбулда FXCubic Information Technologies and Services компаниясында иштеп баштадым. Андан ары адистигимди АКШда жогорулатуу максатында магистратурага бир нече университеттерге тапшырып, Американын борбор калаасындагы Bay Atlantic University жогорку окуу жайынын Cyber Security бөлүмүнө кабыл алындым. Учурда Вашингтондо ушул университетте окуумду улантып жатам”, — деди Оморов.

Ал Түркияга салыштырмалуу Гонконгдо атаандаштык күч болгондуктан жаштар көп нерсени үйрөнүүгө ашыгып турарын кошумчалады.

Булак: Sputnik Кыргызстан

ОСТАВЬТЕ ОТВЕТ

Please enter your comment!
Please enter your name here